របៀប​ដាក់ icon ប្លក់​របស់​លោកអ្នក​ឲ្យ​បង្ហាញ​លើ​ទូរស័ព្ទ iPhone និង Android

on

ជាទូទៅ​នៅ​ពេល​យើង​បង្កើត​គេហទំព័រ ឬ ប្លក់ (Blogspot) តែងតែ​តម្រូវ​ឲ្យ​យើង​ដាក់ favicon (រូប​តំណាង​គេហទំព័រ) ដែល​មាន​ទំហំ​តូច​មើល​សឹង​មិន​ចង់​យល់ ដែល​ហួស​សម័យ។ favicon អត់​បង្ហាញ​លើ​ប្រព័ន្ធ​ទូរស័ព្ទ​ទំនើបៗ​ដូចជា iPhone iPad ឬ Android នោះ​ទេ ​នៅ​ពេល​យើង​ចុច Save តំណ​គេហទំព័រ ឬ blogspot តាម​កម្មវិធី browser យក​ទៅ​ដាក់លើ​ home screen ដើម្បី​ងាយស្រួល​ចុចមើល ស្រដៀង​នឹង​ icon កម្មវិធី​លើ​ទូរស័ព្ទ​ដែរ ។

ក្នុង​គន្លឹះ​នេះ​ខ្ញុំ​នឹង​បង្ហាញ​លោកអ្នក​ពី​របៀប​ដាក់ icon (រូប​តំណាង) Blogspot ដែល​ដំណើរការ​បាន​គ្រប់​ឧបករណ៍ ធ្វើ​ដូច្នេះ​ប្លក់​របស់​យើង​កាន់តែ​ទាក់ទាញ​នៅ​ពេល​អ្នក​ចូល​មើល​គាត់​ធ្វើការ save តំណ​ប្លក់​របស់​យើង​ទុក​លើ Home Screen ទូរស័ព្ទ។

៙ ដាក់​ចូល​ Template Blogspot ៖

1- ចូល​ទៅ Blogger.com ដើម្បី Login គណនី​របស់​លោកអ្នក។
2- ចូល​ទៅ​កាន់ Theme >> ចុច​សញ្ញា​ព្រួញ​ក្បែរ​ពាក្យ CUSTOMIZE ​ហើយ​យក​ពាក្យ Edit HTML។
3- ស្វែងរក​ស្លាក <head> ហើយ​ចម្លង​កូដ​ខាង​ក្រោម​ យក​ទៅ​ដាក់​ខាង​ក្រោម​ស្លាក​នោះ រួច​ចុច Save template ។ 
<link rel="apple-touch-icon" href="apple-touch-icon.png">
ចំណុច​កែប្រែ ៖
- apple-touch-icon.png : ដាក់​ជំនួស​នូវ​រូបភាព icon ប្លក់​របស់​អ្នក។ សម្រាប់​ការ​បង្កើត icon សូម​ទាញយក​រូបភាព PNG ខាង​ក្រោម ហើយ​ធ្វើ​ការ​រចនា​តាម​ទំហំ​ខាង​ក្រោម​ចុះ ៖
icon template
icon របស់ប្លក់​ខ្ញុំ
បន្ថែម ៖ សម្រាប់​គេហទំព័រ​សូម​មើល​អត្ថបទ​គន្លឹះ​លម្អិតនៅ https://webhint.io/docs/user-guide/hints/hint-apple-touch-icons/

ជាចុងក្រោយ​ត្បិត​ថា​គន្លឹះ​ងាយស្រួល តែ​ឃើញ​គេទំព័រ​ខ្មែរ​យើង​ភាគ​ច្រើន​មិន​សូវ​ចាប់អារម្មណ៍​ត្រង់​ចំណុច​សំខាន់​នេះ​ទេ។ អរគុណ​សម្រាប់​ការ​គាំទ្រ​ជួយ​ទិញ​ពុម្ព​អក្សរ​ខ្ញុំ​បាទ អាក្បាលធំ / AKbalthom ជួប​គ្នា​នៅ​គន្លឹះ​លើក​ក្រោយៗ​ទៀត ៕



source https://akbalthom.blogspot.com/2022/06/icon-iphone-android.html

Comments

Post a Comment