ដំឡើង និងបម្រុងទុកស្បែកប្លុក / How to install and backup blogger template

បើសិនលោកអ្នកចង់ចេះប្រើប្រាស់ Blogger ឬហៅម៉្យាងទៀត Blogspot របស់ Google នោះ គឺមានវីដេអូនិយាយជាភាសាខ្មែរជាច្រើនក្នុង Youtube និងមានគន្លឹះជាអត្ថបទមួយចំនួនក្នុងប្លុកខ្ញុំនេះ ចុចមើល ។ បន្ទាប់ពីចេះ post អត្ថបទហើយ នោះយើងនឹងដល់ដំណាក់កាលប្ដូរស្បែកប្លុក ដែលគេនៅថា Theme ឬ template តែជាទូទៅគឺគេតែងតែហៅ template blogger ព្រោះបើហៅថា theme ដូចតូចតាចពេក ។

ដំបូងមុនដំឡើង Template ចូលប្លុករបស់យើង គឺមិនត្រូវភ្លេចទេការប្រុងទុកស្បែកចាស់ ដើម្បីងាយស្រួលយកមកប្រើឡើងវិញ បើសិនការដំឡើង template ទទួលការបរាជ័យ Error ។ ខ្ញុំនឹងប្រាប់វិធីដែលខ្ញុំធ្វើគឺទីមួយ យើងត្រូវ Save ប្លក់របស់យើង ដើម្បីងាយស្រួលស្រង់យកតំណម៉ឺនុយដែឡយើងបានដាក់រួចហើយ ដែលប្លុកខ្ញុំមានម៉ឺនុយច្រើន ពេលផ្លាស់ប្ដូរម្ថងៗគឺធុញនិងរឿងចង់ម៉ឺនុយឡើងវិញ ។

របៀប Save Webpage ដែលយើងកំពុងមើល ៖

1- ចុចបើកប្លុកដែលយើងចង់ Save Webpage ទុក ។
2- ចុច Ctrl + S ដើម្បី Save (អនុវត្តបានគ្រប់ browser ។

3- រក្សាទុកក្នុងកុំព្យូទ័ររបស់អ្នកដោយរើសយកជាប្រភេទ Web Page, Complete

4- ធ្វើបែបនេះយើងអាចបើកមើលម៉ឺនុយនិងរូបភាព ads ដែលយើងខំរៀបចំហើយ នៅពេលណាក៏បាន ងាយស្រួលរៀបចំនៅ template ថ្មី ។

របៀបដំឡើង Template Blogger ងាយៗ៖

1- តម្រូវឲ្យប្រើ browser Google Chrome ព្រោះមិនសូវ Error នៅពេល កែប្រែកូដ template Blogger ។
2- មាន template ស្អាតៗជាច្រើនដែលដាក់ឲ្យ Free ហើយបើចង់ប្រើ template គិតលុយក៏ល្អម៉្យាងដែរ ។ រាល់ template របស់ blogspot គឺមានកន្ទុយជាប្រភេទឯកសារ .XML ដូច្នេះគ្រាន់តែចំណាំត្រង់កន្លែងហ្នឹងរាល់ពេលទាញយក Template មកដំឡើងម្ដងៗ ។

3- ចូលទៅកាន់ blogspot របស់លោកអ្នកហើយចូលទៅផ្នែក Theme >> ចុចសញ្ញាព្រួញហើយយកពាក្យ Restore និងយើងចូលទៅក្នុងកុំព្យូទ័រដើម្បីទៅបើក Template ដែលយើងចង់ដំឡើង ។

4- បន្ទាប់ពីដំឡើងរួចហើយ យើងចាប់ផ្ដើមកែប្រែតាមការណែនាំរបស់ Template នោះបន្តទៀតដោយខ្លួនឯង។ បញ្ជាក់ template នីមួយៗមានវិធីប្រើប្រាស់បែបផ្សេងៗគ្នា ។

វិធីដំឡើងតាមរយៈ HTML របស់ Blogspot

វិធីនេះគេធ្វើសម្រាប់ template ណាដែលមិនអាចដំឡើងតាមវិធីខាងលើបាន ព្រោះ template មានទំហំធំដែលពេល upload ទៅវា Error ។ ដូច្នេះយើងត្រូវ copy កូដទាំងមូលរបស់ template យកទៅ Paste យកតែម្ដង វិធីនេះស្រួលម៉្យាងដែរ ។

1- បើកឯកសារ template ដែលមានកន្ទុយ .XML ជាមួយកម្មវិធី Notepad ឬ Notepadd++ (ខ្ញុំតម្រូវឲ្យលោកអ្នកប្រើជាមួយ Notepad++)

2- ចូលទៅកាន់ Theme >> ចុចសញ្ញាព្រួញក្បែរពាក្យ CUSTOMIZE ហើយយកពាក្យ Edit HTML

3- ធ្វើការលុបកូដក្នុង Blogspot ចោល ហើយបិទភ្ជាប់កូដ template ដាក់ចូលទៅក្នុង Blogspot រួចចុចប៊ូតុង Save ជាការស្រេច។

សរុបមក ការដំឡើងនិង backtup គឺងាយស្រួល តែកុំភ្លេច Save Webpage របស់យើងទុកមើលនៅពេលក្រោយ ព្រោះងាយស្រួលក្នុងការចងក្រងម៉ឺនុយឡើងវិញ សូមបញ្ជាក់ថា Template ដែឡយើងទាញយកមកប្រើតែងតែមានរបៀបប្រើប្រាស់ខុសៗគ្នា នោះក៏ដោយសារ blogspot មានមុខងារតិច តែអ្នករចនាខាងក្រៅគាត់កែច្នៃឲ្យមានមុខងារច្រើន ដែលជាហេតុធ្វើឲ្យមានការខុសប្លែកគ្នា៕

source https://akbalthom.blogspot.com/2022/05/how-to-install-and-backup-blogger.html

Cambodia Youth Update

Search This Blog